ຂ່າວສານ ສະໝັກວຽກ ແບບຟອມຕ່າງໆ ໂປຼໂມຊັນ ອີເມວ ທຄຕລ English
ກ່ຽວກັບ ທຄຕລ | ທຄຕລ
First slide
ທຄຕລ ກ່ຽວກັບ ທຄຕລ

ທະນາຄານການຄ້າຕ່າງປະເທດລາວ ມະຫາຊົນ

(ທັນສະໄໝ ວ່ອງໄວ ໝັ້ນໃຈ)

ທຄຕລ ດຳ​ເນີນ​ທຸລະ​ກິດ​ນັບ​​ແຕ່​ປີ 1975 ​ເປັນ​ຕົ້ນ​ມາ ​ ເຊິ່ງ​ເປັນ​ທະນາຄານ​ທຸລະ​ກິດລັດ​ທີ່​ໃຫຍ່​​ ໃນ ສປປ ລາວ ທີ່​ມີ​ຄວາມ​ໝັ້ນຄົງ ​ແລະ ​ໂປ່​ງ​ໃສທາງ​ດ້ານ​ການບໍລິການ,​ ມີ​ສາຂາ ​ແລະໜ່ວຍ​​ບໍລິການ​ໃນ​ຂອບ​ເຂດ​ທົ່ວ​ປະ​ເທດ, ​ ​ເປັນ​ຜູ້ນຳ​ໃນ​ກາ​ນໃຫ້​ບໍລິການ​ທີ່​ທັນ​ສະ​ໄໝທາງ​ດ້ານ​ຕູ້​ເອທີ​ເອັມ ​ແລະ ຕູ້​ຝາກ​ເງິນ, ການ​ບໍລິການ​ທະນາຄານຜ່ານ​ໂທລະສັບມື​ຖື ​ແລະ ​ອິນ​ເຕີ​ເນັດທີ່​ໃຊ້​ງ່າຍ ​ແລະ ສະ​ດວກ​ທັນ​ໃຈທີ່​ເຮັດ​ໃຫ້​ບັນດາ​ລູກ​ຄ້າ​ສາມາດບໍລິຫານ​ການ​ເງິນ​ຂອງ​ຕົນໄດ້​ ຕະຫຼອດ 24 ຊົ່ວ​ໂມງ. ພວກ​ເຮົາ​ພ້ອມ​ແລ້ວ​ທີ່​ຈະ​ຮັບ​ໃຊ້ ​ແລະ​ເປັນ​ສ່ວນ​ໜຶ່ງຄຽງ​ຄູ່​ກັບ​ການ​ເຕີບ​ໃຫຍ່​ຂອງ​ທ່ານ​​. ທຄຕລ ຍິນ​ດີ​​ໃຫ້​ບໍລິການທຸກ​ທ່ານ​ດ້ວຍ​ຄວາມ​ຈິງ​ໃຈ ​ແລະ ຂໍຂອບ​ໃຈ​ທຸກ​ທ່ານທີ່​ໃຊ້​ບໍລິການ.



  •  

    ທະນາຄານການຄ້າຕ່າງປະເທດລາວ ( ທຄຕລ) ແມ່ນໄດ້ຖືກສ້າງຕັ້ງຂື້ນ ໃນຂະນະທີ່ ສປປ ລາວ ໄດ້ປະກາດເອກະລາດ ໃນວັນ​ທີ 02 ທັນວາ 1975 ແລະ ໄດ້ເລີ່​ມ ດໍາເນີນທຸລະກິດ​ ນັບແຕ່ປີ 1975 ​ເປັນ​ຕົ້ນ​ມາ. ໃນໄລຍະປີ 1975 ຫາ 1976, ທຄຕລ ໄດ້ປະຕິບັດພາລະບົດບາດພິເສດ ຊຶ່ງເປັນສາຂາ ຂອງທະນາຄານລັດ​ແຫ່ງ​ລັດ ໃນເມື່ອກ່ອນ ຫຼື ທະນາຄານ​ແຫ່ງ ສ ປປ ລາວ ​ໃນ​ປະຈຸ​ບັນ  ແລະ ໄດ້ຖືກມອບໝາຍ ໃຫ້ເປັນທະນາຄານ​ແຫ່ງດຽວ ​ໃນ ສປປ ລາວ ທີ່ສາມາດດຳເນີນທຸລະກິດກັບສາກົນ ( Inter Banking ) ແລະ ກໍ່ຍັງໄດ້ຖືກມອບໝາຍ ໃຫ້ດຳເນີນການຄຸ້ມຄອງ ບັນດາເງິນຊ່ວຍເຫຼືອລ້າ ແລະ ເງິນກູ້ຕ່າງໆ ຈາກຕ່າງປະເທດ ແລະ ອົງການຈັດຕັ້ງສາກົນ ທີ່ໄດ້ມອບໃຫ້ແກ່ລັດຖະບານ ສປປ ລາວ.

  • ນັບຕັ້ງແຕ່  ວັນທີ 01 ເດືອນ ພະຈິກ 1989, ທະນາຄານການຄ້າຕ່າງປະເທດລາວ ແມ່ນ ໄດ້ຖືກປ່ຽນເປັນ ທະນາຄານທຸລະກິດລັດ ເຕັມຮູບແບບ ​ໂດ​ຍອີງຕາມກົດໝາຍທະນາຄານແຫ່ງ ສປປ ລາວ ແລະ ດຳລັດກ່ຽວກັບການຄຸ້ມຄອງ ທະນາຄານທຸລະກິດ. ​​ໂດຍ​ສະ​ເພາະ​ການ​ຫັນ​​ປ່ຽນທະນາຄານ ຈາກ​ລັດ​ຄຸ້ມ​ຄອງ​ບໍລິຫານ ​ໄປ​ສູ່​ຮູບ​ແບບ​ທະນາຄານ ທຸລະ​ກິດ​ລັດ ທີ່​ມີ​ການ​ໄລ່​ລຽງ​ປະສິດ​ທິ​ຜົນ​ກຸ້ມ​ຕົນ​ເອງ​ທາງ​ດ້ານ​ລາຍ​ຮັບ-ລາຍ​ຈ່າຍ ​ແລະ ງົບປະມານ​ເງິນ​ເດືອນ​ຂອງ​ພະນັກງານ. ພ້ອມ​ດຽວ​ກັນ​ນັ້ນ ​ໃນ​ວັນທີ 11 ມັງກອນ 2011 ທຄຕລ ກໍ​ໄດ້​ຫັນປ່ຽນ​ຈາກ ທະນາຄານ​ທຸລະ​ກິດ​ລັດ ມາ​ເປັນ​ທະນາຄານ​ການ​ຄ້າ​ຕ່າງປະ​ເທດ​ລາວ ມະຫາຊົນ ​ແລະ ຈົດ​ທະບຽນ​ຢູ່​ໃນ​ຕະຫຼາດ​ຫຼັກ​ຊັບ​ລາວ ​ເປັນ​ທະນາຄານ​ທຳ​ອິດ​ໃນ ສປປ ລາວ, ​ໃນ​ນັ້ນ​ຜູ້​ຖື​ຫຸ້ນ​ລາຍ​ໃຫຍ່ ​ແມ່ນ​ກະຊວງ​ການ​ເງິນ​ຖື​ຮຸ້ນ 70%.​ພະນັກງານ ທຄຕລ 5%, ຄູ່​ຮ່ວມ​ຍຸດ​ທະ​ສາດ 10% ​ແລະ ມະຫາຊົນ​ທົ່ວ​ໄປ 15%.

  • ທຄຕລ ​ເປັນທະນາຄານມະຫາຊົນດຳ​ເນີນ​ການ​ເຄື່ອນ​ໄຫວ​ວຽກ​ງານ​ພາຍ​ໃຕ້ການ​ຄຸ້ມ​ຄອງ​ຂອງ​ກະຊວງ​ການ​ເງິນ, ທະນາຄານ​​ແຫ່ງ ສປປລາວ. ​ທຄຕລ ພວກ​ເຮົາ​ມີ​ຄວາມ​ມຸ່ງ​ໝັ້ນ​ໃນ​ການ​ສ້າງ​ປະ​ໂຫຍ​ດ​ໃຫ້​ແກ່​ລູກ​ຄ້າ ​ແລະ ປະກອບສ່ວນ​ເຂົ້າ​ໃນ​ນະ​ໂຍບາຍ​ເສດຖະກິດຂອງ​ລັດຖະບານ​ໃນ​ການ​ປັບປຸງ, ພັດທະນາ, ສ້າງ​ຄວາມ​ທັນ​ສະ​ໄໝ ​ແລະ ຂະຫຍາຍ​ການ​ບໍລິການ​ໃຫ້​ທັງ​ພາຍ​ໃນ ​ແລະ ຕ່າງປະ​ເທດ. ປະຈຸ​ບັນ​ການ​ບໍລິການ​ຂອງ ທຄຕລ ​ແມ່ນປະກອບ​ດ້ວຍ: ການ​ບໍລິການ​ດ້ານ​ເງິນ​ຝາກ, ​ເງິນ​ກູ້, ອອກ​ໃບຮັບ​ປະກັນ​ຈາກ​ທະນາຄານ, ຊຳລະ​ສະ​ສາງ​ທັງພາຍ​ໃນ ​ແລະຕ່າງປະ​ເທດ, ​ແລກປ່ຽນ​ເງິນຕາ​ຕ່າງປະ​ເທດ,ບໍລິການ​ບັດ ​ເອທີ​ເອັມ, ບໍລິການ​ບັດ​ເຄຼດິດສາກົນ, ການ​ບໍລິການ​ຜ່ານ​ໂທລະສັບ​ມື​ຖື,ອິນ​ເຕີ​​ເນັດ ​ແລະອື່ນໆ. ປະຈຸ​ບັນ ທຄຕລ ມີ 19 ສາຂາ,​ 75 ໜ່ວຍ​ບໍລິການ,​ 15 ຫ້ອງ​ແລກປ່ຽນ ​ແລະ ມີ​ຫຼາຍ 100  ກວ່າ​ທະນາຄານຕົວ​ແທນ​ໃນ​ໂລກ.

    ນອກຈາກ​ນັ້ນ, ທະນາຄານ​ການ​ຄ້າ​ຕ່າງປະ​ເທດ​ລາວ ມະຫາຊົນ ຍັງ​ໄດ້​ຮ່ວມ​ທຶນ​ກັບທະນາຄານ​ລົງທຶນ ​ແລະ ພັດທະນາ​ຫວຽດນາມສ້າງ​ຕັ້ງ​ທະນາຄານ​ທຸລະ​ກິດ​ລາວ-ຫວຽດ ຂຶ້ນ​ໃນ​ວັນ​ທີ  22 ມິຖຸນາ 1999, ສ້າງ​ຕັ້ງບໍລິສັດ​ຮ່ວມ​ທຸລະ​ກິດ​ປະກັນ​ໄພ​ລາວ-ຫວຽດຂຶ້ນ​ໃນ​ປີ 2008 ​ແລະ ​ໃນ​ປີ 2010 ​ໄດ້​ຮ່ວມ​ທຶນ​ກັບ​ທະນາຄານ BRED BANK ຂອງຝຣັ່ງສ້າງ​ຕັ້ງ​ທະນາຄານ​ຮ່ວມ​ທຸລະ​ກິດ​ລາວ-ຝຣັ່ງ (BFL) ​ແລະ ຮ່ວມ​ທຶນ​ກັບ​ບໍລິສັດ​ຫຼັກ​ຊັບ KTZMICO ຂອງ​ປະ​ເທດໄທສ້າງ​ຕັ້ງ​ບໍລິສັດ BCEL-KT (ທຄຕລ-ກຣຸງ​ໄທ) ​ໃນ​ປີ 2011. ພ້ອມນັ້ນ ​ໃນ 2014 ປີ​ໄດ້​ຮ່ວມ​ທຶນ​ກັບ​ທະນາຄານ​ຟູ​ດຽນສ້າງ​ຕັ້ງທະນາຄານ-ລາວ​ຈີນ.

  • 02 ມັງກອນ 2017 (ວັນຈັນ) ພັກ​ຊົດ​ເຊີຍວັນປີ​ໃໝ່​ສາກົນ
    08 ມີນາ 2017 (ວັນພຸດ) ​ວັນ​ແມ່ຍິງ​ສາກົນ
    14 ​ເມສາ 2017 (ວັນສຸກ) ວັນ​ບຸນປີ​ໃໝ່​ລາວ
    17 ເມສາ 2017 (ວັນຈັນ) ພັກ​ຊົດ​ເຊີຍວັນບຸນປີໃໝ່ລາວ
    18 ​ເມສາ 2017 (ວັນອັງຄານ) ພັກ​ຊົດ​ເລີຍວັນ​ບຸນ​ປີໃໝ່​ລາວ
    01 ພຶດສະພາ 2017 (ວັນ​ຈັນ) ວັນ​ກຳມະກອນ​ສາກົນ
    06 ຕຸລາ 2017 (ວັນ​ສຸກ) ພັກບຸນຊ່ວງເຮືອ (ສຳນັກງານໃຫຍ່ ແລະ ບາງສາຂາທີ່ຢູ່ໃນຂົງເຂດຈັດງານບຸນ)
    09 ຕຸລາ 2017 (ວັນຈັນ) ພັກຊົດເຊີຍວັນສ້າງຕັ້ງທະນາຄານແຫ່ງ ສປປ ລາວ
    04 ທັນວາ 2017 (ຊົດເຊີຍວັນຊາດ 02 ທັນວາ, ວັນອາທິດ) ພັກຊົດເຊີຍວັນຊາດແຫ່ງ ສປປ ລາວ
    29 ທັນວາ 2017 (ວັນ​ສຸກ) ມື້ປິດບັນຊີທ້າຍປີ